|
گؤزو یاشلی هارایلار
|
||
|
شعر و ادبیات |
دنیز - دنیز آلیشیق آغلارام سنه دوستوم
و بیر سوکوت دانیشیق آغلارام سنه دوستوم
باهار - باهار سنه پای یوللادیم گولوشلریمی
پاییز - پاییز قاریشیق آغلارام سنه دوستوم
آلین دوگونلرین آچمیرکی بورداکی کوچه لر
یاشیل - یاشیل باریشیق آغلارام سنه دوستوم
او اؤلکه دن گونشی بیر بورا قوناق گؤنده ر
قارانلیق آدلی ایشیق آغلارام سنه دوستوم
یازیبلار اعداما باغریمداکی سینیق سازیمی
و تاپدالانمیش عاشیق آغلارام سنه دوستوم
باهار فصیلی -- ۸۲
|+|
یازیلما تاریخی جمعه یکم خرداد 1388ساعات 1:0 یازار کامیل قهرمان اوغلو
|
|